Baadhi ya wachezaji wa timu ya Taifa ya Zanzibar Heroes
TIMU ya Taifa ya Zanzibar, leo imeondolewa katika michuano ya CECAFA Tusker Chalenji baada ya kufungwa na timu ya Taifa ya Kenya, Harambee Stars. Zanzibar Heroes imeondolewa katika mashindano hayo kwa njia ya penati baada ya dakika 120 kumalizika kila timu ikiwa na mabao 2-2.
Baada ya muda huo kumalizika huku timu zote zikitoka sare 2-2, ndipo iliamuliwa zipigwe penati ambapo Kenya ilishinda kwa penati 4 huku wenzao wa Zanzibar wakiambulia penati 2. Harambee Stars sasa inamsubiri mshindi wa mechi ya pili kati ya Kilimanjaro Stars na Uganda ambayo inaendelea muda huu.