Azam imekuwa timu ya kwanza kutinga fainali ya kombe la Azam Sports Federation Cup kufuatia ushindi wa penati 5-3 dhidi ya Mwadui FC baada ya timu hizo kutoka sare ya kufungana magoli 2-2.
Mechi hiyo ilibidi kuongezewa dakika 30 baada ya zile dakika 90 za kawaida kumalizika huku timu zote zikiwa sare kwa kufungana goli 1-1. Azam walianza kufunga goli lao kupitia kwa Hamis Mcha laikini bao hilo likasawazishwa dakika ya 82.
Katika dakika 30 za nyongeza Hamisi Mcha akaifungia Azam bao la pili lakini Jabir Aziz akakwamisha wavuni mkwaju wa penati kuipwa Mwadui bao la kusawazisha..
Mchezo Mingine kati ya Coastal Union dhidi ya Yanga umeshindwa kumalizika kwenye uwanja wa CCM Mkwakwani Tanga kutokana vurugu za mashabiki.
Mwamuzi wa pambano hilo alilazimika kulivunja pambano hilo likiwa kwenye dakika 30 za nyongeza baada ya dakika 90 za kawaida kumalizika huku timu hizo zikiwa sare kwa kufungana goli 1-1.
Hadi mchezo huo unavunjwa na mwamuzi, Yanga walikuwa wanaongoza kwa magoli 2-1.