Mwanandaaji wa mpambano wa Tamasha la masumbwi Mkoa wa Mtwara, Mahmoud Sinani kushoto akizungumza na waandishi wa habari juu ya maandalizi ya mpambano wa Bondia Mkongwe Rashidi Matumla na Patrck Amote litakalofanyika Oktoba 27 katika Ukumbi wa Makonde Beach Resort kulia ni Rais wa TPBO Yassin Abdallah. (Picha na Super D blogu)
SHIRIKISHO la ngumi Tanzania (BFT) kwa kupitia Chama cha Waamuzi wa Ngumi za Ridhaa wameteua na kuwathibitisha waamuzi watakao tumika katika mashindano ya ubingwa wa taifa yatakayofanyika kuanzia Septemba 17 hadi 22, 2012 uwanja wa taifa wa ndani.
Kwa mujibu wa taarifa yao kwa vyombo vya habari waamuzi waliopitishwa ni pamoja na Mohamed Kasilamatwi mwamuzi wa kimataifa na Juma Selemani mwamuzi wa Afrika kama wasimamizi wa waamuzi.
Waamuzi wa ngazi ya taifa walioteuliwa ni Maneno Omari, Ridhaa Kimweli, Mohamed Bamtulla, Shija Masanja, Mafuru Mafuru, Moshi Makali, Hamza Abdallah na Marko Mwankenja.
MAKORE MASHAGA (KATIBU BFT) 0713588818