Mhariri Mkuu wa dev.kisakuzi.com, Joachim Mushi
MTANDAO wa dev.kisakuzi.com (www.thehabari.com) unapenda kuwatakia heri ya mwaka mpya 2013 wasomaji wake wote, wadau anuai, NGO’s pamoja na makampuni mbalimbali yanaoshirikiana na uongozi mzima wa gazeti hili la mtandao katika kuhabarisha jamii. dev.kisakuzi.com inaamini kuwa mchango wa kila mmoja kwa nafasi yake ni mkubwa na ndiyo unaoliwezesha gazeti hili tando kufanikisha shughuli zake.
Thehabari.com inapenda kutoa shukrani za pekee kwa taasisi za HakiElimu, Mtandao wa Jinsia Tanzania (TGNP), Chama cha Waandishi wa Habari Wanawake (TAMWA), Kampuni ya Serengeti Breweries Ltd (SBL), Kituo cha Habari Kuhusu Ulemavu (ICD), Kampuni ya R&R Associates, Idara ya Habari Maelezo, Mfuko wa Waandishi wa Habari Nchini (Tanzania Media Fund) pamoja na wadau wote wanaounga mkono na kutangaza na mtandao huu.
Kimsingi ni vigumu kumtaja kila mmoja kwa jina katika waraka huu, lakini mchango wa kila mmoja unatambulika kwa uzito wa kipekee, hivyo tuna kila sababu ya kuomba ushirikiano huo uendelee katika kulenga mafanikio zaidi. Mchango wenu ni mkubwa katika kufanikisha gurudumu hili la maendeleo ya tasnia ya habari hasa za mtandao. Mungu ambariki kila mmoja na kumuongoza ili aweze kupata mafanikio zaidi katika mwaka mpya wa 2013.