Kaimu Mkurugenzi Mtendaji TGNP Mtandao, Lilian Liundi akiwakaribisha wabunge kwenye warsha hiyo iliyofanyika mjini Dodoma.
Kaimu Mkurugenzi wa TGNP Mtandao, Lilian Liundi (kulia) wakiwa na Mwenyekiti wa Mkutano huo, Sitta (kushoto).
Sehemu ya wabunge wakifuatilia mada anuai zilizowasilishwa.
Mwezeshaji Aseny Muro akizungumza alipokuwa akiwasilisha mada yake.
Mbunge wa Ubungo John Mnyika na Hamad Rashid wa WAWI wakifuatilia mada anuwai katika semina hiyo.
TGNP Mtandao wamekutana na Kamati za Bunge Mjini Dodoma katika warsha ya siku moja iliyofanyika katika ukumbi wa Hazina ndogo. Warsha hiyo ililenga kuwawezesha Wabunge zaidi ya 100 kushiriki katika kuhakikisha bajeti inayoandaliwa na Serikali inakuwa katika mrengo wa kijinsia.
Semina hiyo pia imelenga kuwawezesha wabunge kutambua masuala yanayowakabili wanawake na makundi yaliyoko pembezoni na kudai yaingizwe kwenye bajeti ikiwemo kutengewa fedha. Aidha ni kuwaongezea watunga sera hao uelewa kuhusu Tamko la bajeti ya kijinsia (Gender Budget Statement) na matumizi yake kama nyenzo ya kufanikisha malengo ya bajeti yenye mtazamo wa kijinsia.
Warsha hiyo iliendeshwa na Kaimu Mkurugenzi Mtendaji wa TGNP Mtandao, Lilian Liundi na wanachama wa TGNP Aseny Muro na Gemma Akilimali ambao walitoa mada na kujibu maswali mbalimbali kutoka kwa wabunge hao wakisaidiana na wafanyakazi wa TGNP na Chuo cha Mafunzo ya Jinsia (GTI).