Mkurugenzi Mtendaji wa Mfuko wa Maendeleo ya Jamii (TASAF) Ladislaus Mwamanga akifungua warsha ya kutathimini mpango wa uhawilishaji fedha kwa kaya maskini kutoka wilaya za Bagamoyo, Chamwino na Kibaha leo wilayani Bagamoyo. Ifikapo mwezi saba mwaka huu Serikali kupitia TASAF itapanua mradi huo na kuupeleka nchi nzima ambapo zaidi ya kaya laki tatu zitafikiwa.
Na Magreth Kinabo – MAELEZO
TANZANIA inatarajia kuwa nchi mwenyeji wa Mkutano wa Kimataifa wa nchi zinazotekeleza Mpango wa Uhaulishaji Fedha kwa kaya masikini utakofanyika wilayani Bagamoyo mwaka huu.
Kauli hiyo ilitolewa jana na Mkurugenzi Mkuu wa Mfuko wa Maendeleo ya Jamii(TASAF), Ladislaus Mwamanga wakati akifungua semina ya siku moja kuhusu kutathimin utekelezaji wa mpango wa majaribio wa uhaulishaji fedha kwa kaya masikini iliyofanyika kwenye hoteli ya Malaika Beach Resorts (Livingstone) Bagamoyo.
Alisema mpango huo unaotekelezwa katika halimashuri tatu nchini ambazoni Bagammoyo, Kibaha na Chamwino umeonyesha mafanikio makubwa hali iliyosababisha nchi nyingine kutaka kuja kujifunza na Benki ya Dunia kutoa fedha za mwendelezo wake.
Baadhi ya washiriki wa warsha ya kutathimini mpango wa uhawilishaji fedha kwa kaya maskini kutoka wilaya za Bagamoyo, Chamwino na Kibaha wakimsikiliza mkurugenzi mtendaji wa Mfuko wa Maendeleo ya Jamii (TASAF) Ladislaus Mwamanga (hayupo pichani) wakati akifungua warsha hiyo ya siku moja iliyofanyika wilayani Bagamoyo. Ifikapo mwezi saba mwaka huu Serikali kupitia TASAFA itapanua mradi huo na kuupeleka nchi nzima ambapo zaidi ya kaya laki tatu zitafikiwa.
Mwamanga aliongeza kuwa mkutano utafanyika April 24, mwaka huu, ambapo utahusisha nchi nane. Alizitaja baadhi ya nchi hizo, ni Kenya, Uganda, Malawi, Zambia, Nigeria, Sudan ya Kusini na wafadhili yaani Benki ya Duniana UNICEF.
Alisema washiriki hao watatembelea mpango huo na kutoa mapendekezo. Mwamanga aliongeza kuwa mpango ulianzishwa mwaka 2008 na mpaka sasa umeonyesh mafanikio mbalimbali katika jamii.
“Mpango huu umewezesha zaidi ya watoto 1600 kutoka katika wilaya hizo walioshindwa kwenda shule kuenda shule.” alisema Mwamanga.
Aliongeza kuwa mpango umetekelezwa baada ya kuona kuwa baadhi ya kaya zinabaki kuwa masikini na kushindwa kupeleka watoto mashuleni au kupata huduma za afya mbali nao wao kuanzisha miradi ya kusaidia jamii. Alisema katika mpango huo wanatoa fedha kwa masharti kwa kaya masikini lengo ni kupunguza umasikini ili kupunguza idadi ya watoto walioko mitaani.
Alisema fedha za kutekeleza mpango huo zilitolewa naBenki ya Dunia ambazo ni dola za Marekani milioni 4.5 na umehusisha vijiji 40. Pia utahusisha vijiji vingine 40, umehusisha kaya 5000 hadi sasa na walengwa walengwa 13,000.
Aidha Mwamanga alifafanua kuwa mpango unajulikana kwa jina la (TASAF III), utatekelezwa nchi nzima utaanza Juali mwaka huu ambapo tayari Benki ya Dunia imeshatoa dola za Marekani milioni 220. Mpanga huo utaekelezwa katika kipindi cha miaka 10. Mpango huo utahusisha kaya zaidi ya 20,000 na utahusisha walengwa 50,000 na vitakuwepo vijiji 78.
Naye Mkurugenzi wa Halimashauri ya Chamwino, David Mayeji alisema mpango huo umeongeza mahudhuri mashuleni kwa asilimia 99, upatikanaji wa matibabu ,ikiwemo uhakikika wa maisha.