Kutokana na matokeo ya michezo ya Mwisho ya ligi kuu Tanzania bara Kumalizika mwishoni mwa Wiki, timu zote za Tanga, Mgambo JKT, African Sports na Coastal Union zimeaga Kuu, zikizipisha Ruvu Shooting, Mbao FC na African Lyon.Mgambo JKT imemaliza na pointi 28, African Sports 26 na Coastal 22
JKT Ruvu iliibuka na ushindi wa mabao 2-1 dhidi ya Simba SC, mabao yake yakifungwa na Abdulrahman Mussa dakika ya kwanza na 30, wakati la Wekundu wa Msimbazi limefungwa na Nahodha Mussa Hassan Mgosi dakika ya 70.
Uwanja wa Azam Complex, Chamazi, Dar es Salaam pia, wenyeji Azam FC walilazimishwa sare ya 1-1 na Mgambo JKT ya Tanga.
Ramadhani Singano ‘Messi’ alianza kuifungia Azam FC dakika ya 60 kabla ya Fully Maganga kuisawazishaia Mgambo dakika ya 72.
Azam imemaliza ligi ikiwa na popinti 64 na simba inayomaliza na pointi 62 katika nafasi ya tatu.
Yanga SC imemaliza kwa sare ya kufungana mabao 2-2 na wenyeji Majimaji Uwanja wa Majimaji mjini Songea hivyo kufikisha pointi 73.
Toto Africans walifungwa 1-0 na Stand United Uwanja wa CCM Kirumba, Mwanza, Coastal Union wamefungwa 2-0 na Prisons Uwanja wa Mkwakwani, Tanga, Mbeya City ililazimishwa sare ya 0-0 na Ndanda FC, Mtibwa Sugar wameichapa 2-0 African Sport na Kagera Sugar wameshinda 2-0 dhidi ya Mwadui FC.