Kocha Mkuu wa Timu ya Taifa ya Tanzania, Jan Poulsen
Na Mwandishi Wetu
KIKOSI cha Timu ya Taifa kinachotarajiwa kuondoka nchini kesho Novemba 8, 2011 kinatarajiwa kuagwa rasmi leo jioni kwenye hoteli ya New Afrika.
Kwa mujibu wa taarifa iliyotolewa leo asubuhi na Shirikisho la Mpira wa Miguu Tanzania (TFF), kupitia kwa Ofisa Habari wake, Boniface Wambura zinasema kikosi hicho kitaagwa rasmi leo jioni kwenye Hoteli hiyo ambayo ndipo kambi ya timu hiyo.
Timu hiyo iliingia kambini tangu Novemba 3, 2011 kwa ajili ya kujiandaa kwa mechi ya mchujo ya Kombe la Dunia dhidi ya Chad itakayochezwa Novemba 11 jijini N’Djamena.
Mbali na makazi yao kuwa Hoteli ya New Africa wachezaji wanafanya mazoezi katika Uwanja wa Kumbukumbu ya Karume, Dar es Salaam kulingana na programu za Kocha Mkuu wa timu hiyo Jan Poulsen aliyoipanga hivi karibuni.