Barcelona wameendeleza rekodi yao ya kutopoteza mchezo kwenye ligi ya Hispania La Liga baada ya kuichapa Las Palmas kwa bao 2-1 na kuendelea kukaa kileleni mwa ligi hiyo kwa tofauti ya pointi tisa.
Luis Suarez alianza kupachika bao la kwanza dakika ya 6 ya mchezo akimalizia krosi ya Jordi Alba. Raia huyo wa Uruguay tayari ameshafunga magoli 25 hadi sasa ndani ya La Liga msimu huu. Lakini bao hilo ni la 41 kwa Suarez Msimu huu kwenye mashindano yote, huku likiwa ni bao lake la 12 kwenye mechi 7 zilizopita.
Las Palmas walisawazisha goli hilo dakika 5 baadaye shukrani za pekee zikienda kwa Jonathan Viera aliyemtengenezea Willian José ambaye alimalizia kwa shuti kali akiwa mita chache kutoka goli la Barca.
Mechi hiyo ilimalizika kipindi cha kwanza, Neymar alipachika bao la kwanza kabla ya mapumziko na kufanya matokeo kuwa 2-1 ambayo yalidumu hadi dakika 90 zilipomalizika.
Ushindin huo kwa Barcelona ni salamu kwa Arsenal kuelekea mchezo wao wa ligi ya mabingwa Ulaya wiki ijayo.
