Stephen N Kagaigai katibu wa Baraza la Mawaziri

RAIS wa Jamhuri ya Muungano wa Tanzania, Jakaya Mrisho Kikwete, amemteua Ndugu. Stephen N Kagaigai kuwa Msaidizi wa Katibu wa Baraza la Mawaziri (CABINET UNDER SECRETARY), Kamati ya Katiba, Sheria na Bunge.

Kulingana na taarifa ya Katibu Mkuu Kiongozi, Bw Ombeni Sefue, uteuzi wa Ndugu Kagaigai umeanza rasmi tarehe 13 Juni, 2012.
Kabla ya kuteuliwa, Ndugu Kagaigai alikuwa Mratibu Msaidizi Kitengo cha Uratibu wa Utawala wa Utumishi wa Umma.