Klabu ya Simba SC imefanikiwa kumkwepa mtani wake wa jadi kwenye mchezo wa nusu fainali wa michuano ya Mapinduzi Cup baada kufanikiwa kupata ushindi wa goli 1-0 kwenye mchezo wake wa mwisho dhidi ya JKU ya Zanzibar mchezo uliochezwa Jana usiku kwenye uwanja wa Aman.
Kiungo wa ‘Wekundu wa Maimbazi’ Simba Jonas Mkude ndiye aliyeinusuru timu yake ambayo ilikuwa inahaha kutafuta bao kwa kila mbinu, dakika ya 65 Mkude akaifungia Simba bao pekee lililoipa tiketi ya kutinga hatua ya nusu fainali ikiwa kinara wa kundi A.
Kutokana na Simba kuongoza kundi, itachuana na Mtibwa Sugar kwenye mchezo wa nusu fainali. Mtibwa itacheza na Simba kwenye mchezo huo kufuatia kumaliza ikiwa nafasi ya pili kwenye kundi lake nyuma ya Yanga.
Mabingwa watetezi wa ligi kuu yaTanzania bara Yanga SC watakutana na URA ya Uganda ambayo imemaliza ikiwa katika nafasi ya pili katika kundi lake wakati Yanga wao wamemaliza wakiwa vinara wa kundi B.
Endapo mchezo huo ungemalizika kwa sare yoyote, Simba ingemaliza mechi za makundi ikiwa nafasi ya pili hivyo ingekutana na Yanga kwenye mchezo wa nusu fainali ambayo imeongoza kundi B.
Ratib a ya nusu fainali ya Mapinduzi Cup
Jumapili January 10, 2016-01-09
Saa 10:15 jioni: Mtibwa Sugar vs Simba SC
Saa 2:15 usiku: Yanga SC vs URA FC