Mkurugenzi wa Mahusiano na Mawasiliano wa Kampuni hiyo, Teddy Mapunda katika hafla ya kuzindua tangazo jipya la kuishangilia Taifa Stars.
Na Mwandishi Wetu
KAMPUNI ya Bia ya Serengeti (SBL) leo imefanya hafla fupi ya kuwaaga na kuwatakia kila la kheri wachezaji wa Taifa Stars kwa ajili ya mechi dhidi yao na Chad. Sambamba na hafla hiyo, SBL imezindua rasmi tangazo la televisheni linalosema ‘TUPO PAMOJA NA TUTASHINDA’.
Akiwakaribisha wageni katika hafla hiyo, Mkurugenzi wa Mahusiano na Mawasiliano wa Kampuni hiyo, Teddy Mapunda ametoa shukrani za dhati kwa Serikali kwa ushirikiano mkubwa kwa timu ya taifa Stars. Hata hivyo ameishukuru Serikali kwa ushirikiano inayouonesha ikiwa ni pamoja na kuwataka Watanzania wote kuwa na imani ya pamoja na kuhakikisha tasnia ya michezo inajijengea heshima kubwa ndani na nje ya mipaka ya Tanzania.
Meneja wa Bia ya ‘Premium Serengeti Lager’ (PSL), Alan Chonjo akizungumza katika hafla hiyo
Akizungumzia tangazo hilo alisema, uzinduzi huo ni kampeni ambayo itaamsha ari kwa mashabiki kuweza kuipa moyo timu ya taifa ili ipate hamasai na kurejea nchini na ushindi. Tayari kampuni ya Bia ya Serengeti imeahidi kuwa pamoja na timu ya Taifa katika kuleta mafanikio ya timu hiyo na kwa taifa kwa ujumla.
Naye Meneja wa Bia ya ‘Premium Serengeti Lager’ (PSL), Alan Chonjo akizungumza katika hafla hiyo amesema, PSL ni kinywaji kinachoamini katika kushinda na ndio maana kampeni na kauli mbiu zimeelekezwa pia katika kusheherekea uhuru na msimu wa dhahabu.
Baadhi ya wafanyakazi wa SBL, wageni anuai waalikwa wakibadilishana mawazo na Kocha Mkuu wa Stars, Jan Poulsen (kulia)
“Msimu wa dhahabu ni kauli mbiu inayoielezea vema bia hii ambayo imekuwa ikijitwalia tuzo nyingi za dhahabu ikiwa ni kielelezo cha ubora wake na umakini wa wapishi wa bia hii. Baadhi ya tuzo hizo ni pamoja na zile ya Monde Selection na DLG, taasisi za kimataifa zinazoangalia bidhaa zenye ubora duniani kote,” aliendelea Chonjo.
Aidha alifafanua kuwa nia ya SBL ni kuhakikisha timu inakuwa na ari na hamasa mpya. Na hivyo kuwa changamoto kwa Watanzania na mshikamano ili kuweza kuamsha ari hiyo kwa kuishangilia timu ya taifa na kuonesha uzalendo.
Kupitia bia yetu ya Premium Serengeti lager ambayo ndiyo mdhamini mkuu wa timu yetu ya taifa, naitakia kila la kheri timu hii katika safari yote ya kuwania kufuzu fainali za kombe la dunia zinazotarajiwa kufanyika nchini Brazil mwaka 2014.
Serengeti Breweries Ltd iko kwenye biashara ya pombe na ina bidhaa zinazojivuniwa na ambazo zimejipatia tuzo mbalimbali za ubora. Kati ya bidhaa zake ni: Premium Serengeti Lager, Tusker Lager, Tusker Malt Lager, Uhuru Peak Lager na Guinness. Kinywaji kischokuwa na kilevi cha Malta Guinness. Vinywaji vi kali: Johnnie Walker, Smirnoff Vodka, Richot, Bond 7 and Gilbeys.