Samsung Note 3 na Gear Teknolojia Mpya Inayosaidia Kubuni Maisha ya Mtumiaji

MOJA ya kitu muhimu wazalishaji wanayoifurahia ni uaminifu wa bidhaa kutoka kwa wateja wao, kutokana na mabadiliko ya haraka na mzunguko mkubwa katika soko la simu za mkononi za kisasa. Wazalishaji wamekuwa na hamasa kubwa ya kuzalisha zaidi bidhaa kila siku lengo likiwa ni kutengeneza bidhaa ambazo zinaendana na maisha halisi na mabadiliko yanayoletwa na maendeleo ya Sayansi na teknolojia.

Mapema Septemba mwaka huu Samsung wameingiza sokoni simu yao mpya inayotoa ubunifu wa hali ya juu na kurahisisha utandaji kazi wa mtumiaji, ikiwa na uwezo wa kufanya kazi nyingi kwa wakati mmoja Samsung Galaxy Note 3 imetengenezwa kukata kiu cha wapenzi wa simu zenye teknolojia ya hali ya juu.

Teknolojia ya Samsung Galaxy Note 3 inaendelea pale simu nyengine za Note 2 na S4 zilipoachia, huku ikiwa na nyongeza ya teknolojia simu hii inakuja na saa yenye teknolojia ya simu inayojulikana kama Samsung Galaxy Gear. Galaxy Gear ni saa ya mkononi yenye nguvu ya  Android ikiwa na uwezo wa kusoma ujumbe mfupi, kupokea simu.

Saa hii ina uweza wa kufuatilia afya ya mtumiaji, Ikiwa na kifaa chenye   kuhesabu umbali uliotembea kama wewe ni mtu wa mazoezi, lakini pia inakuwezesha kujua juu ya jinsi kalori ngapi unazoteketeza au unazopata katika siku. Galaxy Gear pia inafanya kazi na Note series na Samsung za kisasa zilizotoka karibuni pamoja na S4. Note 3 haiwezi kuwa Note bila ya peni maalum inayojulikana kama S Pen, peni hii inawezesha kuandika haraka na vizuri.

Galaxy Note 3 inakuja na ukubwa wa ziada wa aina yake, kioo chake kina ukubwa wa inchi 5.7 yenye muonekano wa Super AMOLED, ung’amuzi wake ukiwa kamili katika mfumo wa HD, Ni kioo chenye mwanga mkali, na hutumia rangi yenye kuruhusu mtumiaji kusoma maandishi kwa urahisi zaidi.

Simu hii inakuja na dhamana ya ziada ya miaka miwili ambayo inatoa fursa kwa mtumiaji kufanya matengeneza ya simu yake kwa pindi inapoharibika bure lakini pia huduma hii inatoa fursa ya kugundua simu halisi na feki. Dhamana ya zaida kwa ajili ya Galaxy Gear ni ya mwaka mmoja. Pia inakuwezesha kujua kwamba muuzaji ni wakala halali aliyethibitishwa na Samsung kuuza kwa rejareja Simu unayokusudia kununua.