Mshambuliaji wa Poland Robert Lewandowski aliangukiwa na fashifashi iliyorushwa kutoka jukwaa la watazamaji katika pambano lililokuwa na hamasa nyingi kati ya Poland na Romania.
Mshambuliaji wa Poland Robert Lewandowski aliangukiwa na fashifashi iliyorushwa kutoka jukwaa la watazamaji katika pambano lililokuwa na hamasa nyingi mwishoni mwa wiki, lakini hatimaye ndie aliyetoka uwanjani akitabasamu , baada ya kufunga mabao mawili katika ushindi wa mabao 3-0 dhidi ya Romania.
Mashabiki wa Romania walirusha fashifashi dhidi ya nyota huyo wa Bayern Munich katika dakika ya 53. Alihitaji matibabu kidogo wakati refa Damir Skomina aliwakusanya wachezaji wa pande zote katikati ya uwanja.
Baada ya mchezo huo kusitishwa kwa muda , Lewandowski aliweza kufunga mabao mawili baada ya dakika 84 pamoja na penalti ya dakika za mwisho.
Kwa upande wa watazamaji , mashabiki kutoka kila upande walirushiana fashifashi. Baadhi zilizorushwa na mashabiki wa nyumbani ziliangukia uwanjani , na kusababisha kucheleweshwa mchezo huo kuanza kabla ya mapumziko. Mashabiki 12 wa poland walikamatwa kabla ya mchezo huo baada ya kuigana katika baa katikati ya mji na mapambano na polisi nje ya uwanja.
chanzo dwswahili.com