Bw. Waziri Waziri Kindamba
HATIMAYE Rais wa Jamhuri ya Muungano wa Tanzania, Dk. John Pombe Magufuli amemteua rasmi, Bw. Waziri Waziri Kindamba kuwa Afisa Mtendaji Mkuu wa Kampuni ya Simu Tanzania (TTCL). Kabla ya uteuzi huo Kindamba alikuwa akikaimu nafasi hiyo, tangu alipoondolewa aliyekuwa Afisa Mtendaji Mkuu Dk. Kamugisha Kazaura aliteuliwa Februari 2013 na Bodi ya Wakurugenzi ya TTCL kushika nafasi hiyo baada ya kustaafu kwa Kaimu Afisa Mtendaji Mkuu, Bw. Said Amir Said.
Kwa mujibu wa taarifa iliyotolewa na Katibu Mkuu Kiongozi, Balozi John Kijazi imeeleza kuwa Uteuzi wa Bw. Waziri Waziri Kindamba umeanza tarehe 04 Julai, 2017. Kabla ya uteuzi huo, Bw. Waziri Waziri Kindamba alikuwa akikaimu nafasi hiyo.