Mwigulu Nchemba
RAIS wa Jamhuri ya Muungano wa Tanzania, Dk. John Pombe Magufuli amemteuwa aliyekuwa Waziri wa Kilimo, Mifugo na Uvuvi, Mwigulu Nchemba kuwa Waziri wa Mambo ya Ndani ya Nchi. Kwa mujibu wa taarifa iliyotolewa na Kurugenzi ya Mawasiliano Ikulu, Mwigulu anashika nafasi hiyo iliyoachwa na Charles Kitwanga aliyeachishwa kazi na Rais Magufuli kwa tuhuma za kufanya kazi bungeni akiwa mlevi.
Kwa uteuzi huo, Rais Magufuli pia amemteuwa Mbunge wa Buchosha, Dk. Charles Tizeba kushika nafasi ya Waziri wa Kilimo, Mifugo na Uvuvi uteuzi huo umeanza leo. Mawaziri walioteuliwa wataapishwa siku ya Jumatatu ya tarehe 13, June 2016 jijini Dar es Salaam.