Wafanyakazi wa Perfect Classic Salon wakiwasuka na kuwapamba washiriki wa Epiq Bongo Star Search 2012 katika jumba lao lililopo jijini Dar.
Na Mwandishi Wetu
PERFECT Lady Salon imeingia katika udhamini wa Shindano la Epiq Bongo Star Search 2012 (EBBS) kwa kuwapamba na kuwapa muonekano mpya washiriki wote wanaoshiriki kwenye kinyanga’anyiro hicho cha kumtafuta taa mwenye kipaji cha kuimba nchini Tanzania.
Akizungumza mara baada ya uzinduzi wa kuwatambulisha wadhamini uliofanyika wiki iliyopita jijini Dar es Salaam, Mkurugenzi wa Perfect Lady Salon, Bi. Ester Kiama alisema kuwa ikiwa yeye ni Mtanzania anayependa maendeleo ya vijana ameona ni vyema kujitoa kudhamini shindano hilo kwa kuwapa washiriki muonekano mpya.
“Nafurahi sana kuungana na Bi. Ritta Poulsen kudhamini shindano hili linalovumbua vipaji vya vijana ambapo mimi, nimechukua upande wa kuwapamba washiriki na kuwapa muonekano mpya wawapo stejini,” alisema Ester Kiama.
Hata hivyo aliongeza kuwa wakati umefika kwa Watanzania kuungana mkono pale unapoona mtu anafanya jambo linaloleta maendeleo katika nchi yetu. Pia Bi. Ester Kiama alisema, Perfect Lady Salon imefungua milango kwa mtu yeyote ambaye anahitaji kufanya kazi na nao, asisite kuwasiliana nao wanapatikana Kinondoni mkabala na Chuo Kikuu Huria.
Shindano la EBBS linaloshirikisha washiriki kutoka mikoa mbalimbali ya Tanzania Bara na Visiwani linaendelea ndani ya Kituo cha Televisheni cha ITV na sasa washiriki wamefikia katika hatua ya mtoano