Pilemon Kiwelu Ndessamburo enzi za uhai wake.
Mbunge Mstaafu wa Moshi Mjini na Mwenyekiti wa Chama cha Demokrasia na Maendeleo (CHADEMA) Mkoa wa Kilimanjaro, Pilemon Kiwelu Ndessamburo.
TANZIA:– Taarifa zilizotufikia ni kwamba, Mbunge Mstaafu wa Moshi Mjini na Mwenyekiti wa Chama cha Demokrasia na Maendeleo (CHADEMA) Mkoa wa Kilimanjaro, Pilemon Kiwelu Ndessamburo amefariki Dunia mapema leo hii mjini Moshi. Kwa mujibu wa taarifa kutoka kwa Katibu wa CHADEMA Kanda ya Kaskazini, Amani Golugwa amethibitisha kutokea kwa kifo hicho cha Mwenyekiti wa chama hicho Mkoa wa Kilimanjaro, Mhe. Ndessamburo
.
Mzee Philemon Kiwelu Ndesamburo mwanasiasa na mfanyabiashara maarufu alizaliwa Februari 19, 1935. Amekuwa mwanasiasa kupitia CHADEMA pia kufadhili mambo mengi kupitia chama hicho.
Taarifa zinasema Mzee Ndesamburo baada ya Uhuru alikuwa mwajiriwa wa Bohari Kuu ya Serikali kabla ya kupata mtaji na kuhamia kwenye biashara. Mwaka 2000 alifanikiwa kuchaguliwa na wananchi wa Moshi mjini kuwa mbunge wao mpaka mwaka 2015 alipoamua kwa ridhaa yake kutogombea tena jimbo hilo.