Part of Luang Airport
ABIRIA wote waliokuwa wanasafiri na ndege moja nchini Laos wamefariki baada ya ndege iliyokuwa imewabeba kuanguka mtoni Kusini mwa nchi hiyo. Maofisa kutoka nchi jirani ya Thailand wamesema ndege hiyo ilianguka ndani ya Mto Mekong.
Aidha inaarifiwa kuwa ndege hiyo ilianguka kutokana na hali mbaya ya hewa muda mfupi kabla ya kutua katika uwanja wa ndege wa Pakse. Taarifa zaidi zinasema ndege hiyo ilikuwa inatoka katika mji Mkuu wa Laos wa Vientiane ndipo ilipoanguka majira ya asubuhi ya leo.
Msemaji katika wizara ya mambo ya nje Sek Wannamethee alisema kuwa abiria 39 na wafanyakazi 4 walikuwa ndani ya ndege hiyo. Alisema rai watano wa Thailand walikuwa miongoni mwa waliofariki.
-BBC