Marehemu Julius Nyaisanga (katikati) akiwa katika picha enzi za uhai wake
MTANGAZAJI maarufu wa siku nyingi ambaye kwa sasa alikuwa Meneja wa kituo cha Aboud Media, Julius Nyaisanga aka “Uncle J”, amefariki dunia. Taarifa zinasema marehemu Nyaisanga amefariki dunia asubuhi Oktoba 20 katika Hospitali ya Mazimbu, Morogoro alipokuwa kwa matibabu.
Taarifa zaidi zinasema Nyaisanga (53) alikuwa akisumbuliwa na uongonjwa wa shinikizo la damu na kisukari. Enzi za uhai wake Nyaisanga aliwahi kufanya kazi hiyo ya utangazaji katika vituo mbalimbali vya redio ikiwemo Radio One Stereo na ITV, RTD (kwa sasa TBC).
Marehemu Nyaisanga ameacha mjane na watoto watatu. Thehabari inatoa pole kwa ndugu na familia ya Nyaisanga pamoja na tasnia nzima ya habari na Mungu ampumzishe marehemu Julius Nyaisanga pema peponi. Amina