Baadhi ya wasanii wa kundi la Msondo Ngoma
BENDI Kongwe ya muziki wa dansi nchini Tanzania Msondo Music inatarajia kuzindua vyombo vyake vipya walivyokabidhiwa hivi karibuni na Kampuni ya KONYAGI. Kwa mujibu wa taarifa iliyotolewa na Msemaji wa bendi hiyo, Rajabu Mhamila amesema vyombo hivyo walikabidhiwa na Kampuni ya Konyagi. “Tutavizindua vyombo hivyo mbele ya mashabiki wetu Ijumaa pale LIDAZ CLUB hivyo wapenzi wote wa bendi ya Msondo tunaomba mje kwa wingi ili kuona vyombo vipya na mambo mapya.
Alisema pamoja na kupata burudani za bendi hiyo zikiwemo nyimbo za zamani na za sasa kwa ajili ya kuanza wikendi, aliongeza kuwa wapenzi watakaokuja siku hiyo watapata burudani za radha tofauti tofauti kwani wamepanga kukonga nyoyo za mashabiki wao kwa kutumia vyombo vyao vipya.
Alisema bendi hiyo siku ya Jumapili itamaliza burudani za wikendi katika ukumbi wa Max Bar Ilala bungoni
Mkurugenzi wa Bendi hiyo Muhidini Maalimu Gulumo ataongoza kundi zima la wana msondo ngoma akiwemo Said Mabera,Shabani Dede, Romani Mn’gande, Eddo Sanga, Juma Katundu, Hassani Moshi na wendine kibao kwa ajili ya kuwaburudisha mashabiki.