Mashujaa Bandi
Na Mwandishi Wetu
BENDI ya Mashujaa (Wana Kibega) leo itaanza rasmi kufanya maonesho yake kwenye Ukumbi wake wa zamani wa Letasi Lounge (Business Park) uliopo Kijitonyama Dar es Salaam, ambapo watakuwa wakifanya maonesho yao kila siku ya Ijumaa.
Akizungumza Dar es Salaam jana Mkurugenzi wa Mawasiliano wa Bendi hiyo Maximilian Luhanga, alisema kuwa wameamua kurejea katika ukumbi huo. Luhanga alisema kuwa wameamua kurudi tena hapo baada ya kupata ushauri kutoka kwa mashabiki wao, wakitaka warudi kufanya tena maonesho katika ukumbi huo.
Alisema kuwa Wana Kibega wataanza kufanya maonesho yao kuanzia Ijumaa ya wiki hii, ambapo bendi hiyo itakuwa kwenye ukumbi huo.
“Tunapenda kuwajulisha wapenzi kuwajulisha kwamba Mashujaa watarejea rasmi katika ukumbi wao wa zamani kuanzia kesho (leo) ijumaa alisema Luhanga.
Pia Luhanga alisema bendi hiyo sasa ipo vizuri zaidi katika kutoa burudani imejipanga kufanya mambo makubwa ukizingatia na tuzo 8 ilizopata ndani ya miaka miwili.