Mwili wa mmoja wa walioangukiwa na ghorofa jijini Dar es Salaam ukifukuliwa na timu ya waokoaji juzi
WATU wapatao 13 wamekufa baada ya kufukiwa na kifusi kwenye machimbo ya kokoto. Kwa mujibu wa taarifa ambazo mtandao huu umezipata watu hao walifunikwa na kifusi kwenye machimbo ya kokoto Kata ya Moshono, mkoani Arusha.
Watu hao waliokuwa ndani ya machimbo wamekumbwa na mauti hayo kutokana na hali ya hewa ya mvua nyingi kunyesha huku wachimbaji wakiendelea na kazi ya machimbo hayo. Mtandao huu utawapa taarifa zaidi hapo baadaye.
Maiti ya watu waliokufa katika ajali ya kuangukiwa na ghorofa 16 lililokuwa likiendelea na ujenzi jijini Dar es Salaam Ijumaa iliyopita, zimefikia 36. Tayari zoezi la kutafuta miili zaidi katika kifusi hicho limemalizika na kubainika kuwa jumla ya watu 36 wamepoteza maiti katika ajali hiyo mbaya.
Majeruhi wanne wa ajali hiyo kati ya 19 wa awali bado wanaendelea na matibabu katika Hospitali ya Taifa Muhimbili na jumla ya watu wanaoshikiliwa kwa tuhuma za ajali hiyo ni 9 na uwenda leo wakafikishwa mahakamani kwa mara ya kwanza kujibu mashtaka kuhusiana na ajali hiyo.