Bondia Zumbe Kikuru kushoto akipambana na Toma Kato wakati wa mpambano wao uliofanyika katika ukumbi wa Saadan High Way Bagamoyo mwishoni mwa wiki iliyopita. Kikuru alishinda kwa K’O raundi ya pili.
Mwamuzi wa mpambano wa masumbwi Said Chaku katikati akimwinua mkono juu bondia Obete Ameme baada ya kumtwanga mpinzani wake katika raundi ya kwanza kwa K’O uliofanyika katika ukumbi wa Saadan High Way Bagamoyo mwishoni mwa wiki iliyopita.
Na Mwandishi Wetu
KOCHA wa Kimataifa wa mchezo wa Masumbwi nchini anaefundisha Timu ya Ashanti pamoja na timu ya Mkoa wa Ilala Kimichezo Rajabu Mhamila ‘Super D’ amevutiwa na mashabiki wa mchezo huo Mkoa wa Pwani.
Baada ya kuvutiwa na umati mkubwa uliojitokeza katika mpambano uliofanyika Bagamoyo mkoani wa Pwani mwishoni mwa wiki iliyopita mpambano uliofanyika katika Ukumbi wa Saadan High Way ambapo ulihudhuriwa na idadi kubwa ya mashabiki wa Bagamoyo.
Mpambano huo ulioandaliwa na Sharif Muhsin na kuratibiwa na bondia wa siku nyingi Said Yazidu umefungua ukurasa mpya kwa wakazi wa Bagamoyo kuukubali mchezo huo na kuendelea kuupenda na kuwapa sapoti mabondia wanaowakilisha Bagamoyo.
Baadhi ya mabondia waliopigana katika mpambano huo ni Maneno Zele aliyepata kichapo kutoka kwa bondia Baisa Juma wakati Zumbe Kikuru alimtwanga kwa K’O Tomo Kato katika raundi ya kwanza huku Kadani Rhamwana akimshinda Ndumbo Hassani kwa point. Mpambano huo ni wa pili kufanyika kwa mwaka huu umendelea kuwa chachu ya kupata vipaji vipya vya mchezo wa ngumi hapa nchini