Baadhi ya mabondia toka kambi ya Bigright Boxing wakiwa pozi vijana wapo kambini kwa ajili ya mapambano yatakayofanyika siku ya Idd.
MABONDIA toka kambi ya Bigright Boxing ya Mwananyamala wapo kambini wakiendelea kujifua kwa ajili ya kuwakabili wapinzani wao ambao wanatarajia kuzichapa katika wakati tofauti na maeneo mbalimbali nchini na nje ya nchi.
Mabondia hao ni Issa Omar anaetarajiwa kuzipiga katika Ukumbi wa Government Complex nchini Zambia na Pethias Chisonga wa Zambia chini ya uratibu wa Exodus Stable ya nchini humo. Jijini Dar es Salaam katika ukumbi wa Friends Corner Hotel, Mustafa Doto atazipiga na Rajab Mjeshi, Martin Richard na Mbena Rajab wao watakuwa mkoani Tanga huku Zumba Kukwe akizipiga Kibaha.
Mabondia waliobaki watamsidikiza Daudi Anthony ’odinga’ kuzipiga tompo katika ukumbi wa ‘Eagles Pub’ Bagamoyo. Katika mapambano ya Bagamoyo yameratibiwa na Tan Academy chini ya kiongozi wake Japhet Kaseba yatakuwa na ushindani mkali kwa wanafunzi watano wa Kaseba watakapozipiga na wanafunzi wa Bigright nje ya mkoa wao.