Adam Lallana alifunga bao la dakika za lala salama na kuiwezesha Liverpool kuishinda Norwich City 5-4 katika mechi iliojaa mashambulizi msimu huu.
Robert Firmino aliiweka kifua mbele Liverpool lakini bao la kisigino la Dieumerci Mbokani lilisawazisha kabla ya bao La Steve Naismith kuiweka mbele Norwich
Wes Hoolan alifunga bao la penalti kwa upande wa wenyeji kabla ya Jordan Henderson na Frimino kusawazisha. James Milner aliiweka Liverpool kifua mbele huku Sabastian Basson akisawazisha lakini Lallana akafunga bao la Ushindi.
Steven Naismith akapachika bao la pili na kuifanya Norwich kuongoza kwa bao 2-1 hadi mapumziko. Wes Hoolahan akaongeza goli la tatu kwa mkwaju wa penati upande wa Norwich dakika chache baada ya kuanza kwa kipindi cha pili kabla ya Jordan Henderson na Firmino kupiga mabao na kuufanya mchezo huo kuwa sawa kwa magoli 3-3.
James Milner akatupia bao jingine na kuifanya Liverpool kuwa mbele kwa bao 4-3. Sebastian Bassong aliifungia Norwich bao la kusawazisha zikiwa ni dakika za nyongeza lakini bao hilo halikudumu baada ya Lalana kuipa Liverpool ushindi wa ugenini kwa kufunga bao la tano na kufanya matokeo yasomeke Norwich 4-5 Liverpool.
Matokeo ya mechi nyingine za Ligi Kuu Ya Uingereza
Norwich 4-5 Liverpool
Crystal Palace 1-3 Tottenham
Leicester City 3-0 Stoke City
Man Utd 0-1 Southampton
Sunderland 1-1 Bournemouth
Watford 2-1 Newcastle Utd
West Brom 0-0 Aston Villa
West Ham 2 – 2 Manchester City