Lady Jay Dee Kuzindua ‘Album’ ya Sita, Atimiza Miaka 13 ya Muziki

MSANII maarufu nchini Tanzania, Lady Jay Dee anatarajia kuzinduzi wa album yakie ya sita inayokwenda kwa jina la NOTHING BUT THE TRUTH ambayo ina jumla ya nyimbo 10.
Katika taarifa aliyoitoa kwa vyombo vya habari msaanii huyo mwenye mafanikio lukuki amesema uzinduzi wa album hiyo utakwenda sambamba na sherehe za yeye kutimiza miaka 13 katika tasnia ya muziki.
“…Mwaka huu (2013), natimia miaka 13 tangu nianze kazi ya muziki. Namshukuru Mungu tuko pamoja na pia, nashukuru umma wa Tanzania kwa kuendelea kuni- support (unga mkono) muziki wa Tanzania na kunipa nguvu mimi kama msanii,” alisema Lady JayDee.
“Nashukuru vyombo vyote vya habari vinavyoshiriki kikamilifu kukuza na kulinda sanaa ya Tanzania bila kujali maslahi binafsi. Tumeandaa sherehe kubwa na nzuri ya miaka 13 ya LADY JAYDEE, katika muziki.”
Sherehe ya miaka 13 ya Lady JayDee katika muziki itashirikisha show ya nyimbo zote bora za JayDee kwa kuwashirikisha pia baadhi ya wasanii wa nchini. Sherehe hizo zitafanyika Ijumaa tarehe 31 May 2013.
Nawakaribisha wote tufurahi pamoja, na Mungu awabariki