Rais wa Jamhuri ya Muungano wa Tanzania, Jakaya Mrisho Kikwete
Na Mwandishi Maalum
MKUTANO wa Rais wa Jamhuri ya Muungano wa Tanzania, Jakaya Mrisho Kikwete na wazee wa Mkoa wa Dar es Salaam uliopangwa kufanyika Ijumaa, Machi 9, 2012, umeahirishwa hadi kesho, Jumamosi, Machi 10, 2012.
Mkutano huo umeahirishwa ili kutoa nafasi kwa Rais kufanya mashauriano zaidi na wadau mbalimbali kuhusu suala ambalo Rais atalizungumzia kwenye mkutano huo.
Kama ulivyokuwa mkutano ulioahirishwa leo, mkutano wa kesho utafanyika kwenye Ukumbi wa Diamond Jubilee kuanzia saa tano asubuhi.