Rais Jakaya Kikwete, akimuapisha Jenista Mhagama, kuwa Naibu Waziri wa Elimu na Mafunzo ya Ufundi, katika hafla fupi iliyofanyika kwenye Viwanja vya Ikulu, jijini Dar es Salaam, leo. Picha na OMR
RAIS wa Tanzania leo amewaapisha mawaziri na ma-naibu waziri aliowateuwa jana katika mabadiliko mapya ya panguapangua kwenye baraza hilo ili kuziba nafasi zilizoachwa wazi na mawaziri walioondolewa katika baraza hilo, pamoja na nafasi ya waziri wa Fedha aliyefariki dunia hivi karibuni.
Sherehe hizo zilizofanyika katika viwanja vya Ikulu zilihudhuriwa na Makamu wa Rais, Dk. Mohammed Gharib Bilal, Waziri Mkuu wa Tanzania, Mizengo Pinda na viongozi mbalimbali wa idara, taasisi, asasi na wa Serikali.
Baadhi ya Mawaziri walioapishwa leo ni pamoja na Waziri wa Maliasili na Utalii, Lazaro Nyalandu, Naibu Waziri wa Fedha, Adam Malima, Naibu Waziri wa Elimu na Mafunzo ya Ufundi, Jenista Mhagama, Dk. Pindi Chana ambaye anakuwa Naibu Waziri wa Maendeleo ya Jamii, Jinsia na Watoto. Wengine ni pamoja na Mahmoud Mgimwa, kuwa Naibu Waziri wa Maliasili na Utalii, Juma Nkamia, kuwa Naibu Waziri wa Habari, Vijana Utamaduni na Michezo, Mwigulu Nchemba, kuwa Naibu Waziri wa Fedha, Amos Makala, ambaye anakuwa Naibu Waziri wa Maji.
Rais Jakaya Kikwete, akimuapisha Juma Nkamia, kuwa Naibu Waziri wa Habari, Vijana Utamaduni na Michezo, katika hafla fupi iliyofanyika kwenye Viwanja vya Ikulu, jijini Dar es Salaam, leo. Picha na OMR
Rais Jakaya Kikwete, akimuapisha Mwigulu Nchemba, kuwa Naibu Waziri wa Fedha, katika hafla fupi iliyofanyika kwenye Viwanja vya Ikulu, jijini Dar es Salaam, leo. Picha na OMR
Rais Jakaya Kikwete, akimuapisha Mahmoud Mgimwa, kuwa Naibu Waziri wa Maliasili na Utalii, katika hafla fupi iliyofanyika kwenye Viwanja vya Ikulu, jijini Dar es Salaam, leo. Picha na OMR
Makamu wa Rais wa Jamhuri ya Muungano wa Tanzania, Dk. Mohammed Gharib Bilal, akimpongeza Waziri wa Maliasili na Utalii, Lazaro Nyalandu, akiwa na mkewe aliyewahi kuwa Miss Tanzania, Faraja Kotta na familia yake, baada ya kuapishwa katika hafla fupi iliyofanyika kwenye Viwanja vya Ikulu jijini Dar es Salaam, leo. Kulia kwa Makamu ni Naibu Waziri wa Fedha Mwigulu Nchemba. Picha na OMR
Baadhi ya viongozi waalikwa katika sherehe hizo za kuapishwa.
Picha ya pamoja na viongozi mbalimbali baada ya mawaziri kuapishwa
Picha ya pamoja.