Rais Jakaya Kikwete azindua mkutano wa SADC
RAIS wa Jamhuri ya Muungano wa Tanzania, Jakaya Kikwete, Septemba 4, 2012, amefungua kikao cha siku moja cha Nchi za Jumuiya ya Maendeleo ya Nchi za Kusini Mwa Afrika (SADC). Kwa kuzingatia umuhimu wa shughuli hii, Nawaomba wahariri mtutumie majina ya waandishi waandamizi ambao watafika katika Hoteli ya Kilimanjaro Hyatt Regency kesho Jumanne, tarehe 4 Septemba, 2012 saa 3.00 asubuhi kwa ajili ya shughuli hii.
Tunaomba majina hayo ya wawakilishi wa vyombo vyenu yawasilishwe kwetu mara baada ya kupata taarifa hii na mwisho wakupokea majina itakuwa saa 2.00 asubuhi ya kesho Jumanne, kwa sababu ifikapo saa 3.00 kamili asubuhi kila mwalika anatakiwa awe tayari ameshakaa kwenye sehemu yake aliyopangiwa.
Tunapenda kusisitiza kuwa waandishi watakaoruhusiwa kuhudhuria shughuli hii ni wale tu ambao tutapokea majina yao kutoka kwa wahariri wa vyombo husika. Aidha, tunasisitiza mavazi yawe nadhifu na heshima, kwa kuwa hii ni shughuli ya Kitaifa. Tunaomba ushirikiano wenu na karibuni.