Rais Jakaya Kikwete
RAIS wa Jamhuri ya Muungano wa Tanzania, Jakaya Mrisho Kikwete amewateua wasaidizi wake wawili. Uteuzi huo unaanza mara moja. Katika uteuzi huo, Rais Kikwete amemteua Jumaa George Bwando kuwa Mnikulu. Bwando ni mtumishi wa miaka mingi wa Serikali.
Rais pia amemteua Martine Shigela kuwa Msaidizi wa Rais (siasa). Shigela anachukua nafasi iliyoachwa wazi na Rajab Luhwavi ambaye karibuni aliteuliwa kuwa Naibu Katibu Mkuu wa CCM (Bara).