Helikopta za Kijeshi Marekani Zagongana

INARIPOTIWA kuwa ndege mbili za wanajeshi wa Marekani aina ya helikopta zimegongana karibu na kisiwa cha Hawaii cha Oahu huku zikiwa na abiria sita.

Mkuu wa walinzi wa pwani hiyo Sara Mooers amethibitisha ajali hiyo kutokea na kudai mabaki yalipatikana baharini, lakini bado haijabainika ni vipi ajali hiyo ilitokea.

Kapteni wa jeshi hilo Timothy Irish ameliambia shirika la habari la AP kwamba usakaji na uokoaji ulikuwa unaendelea. Ndege hizo zinatoka katika kitengo cha kwanza cha jeshi hilo lililo na kambi yake huko Hawaii.
-BBC