Filamu ya Dasmila Kuingia Sokoni Mwezi Huu
FILAMU mpya inayokwenda kwa jina la DASMILA inatarajia kuingia sokoni mwishoni mwa mwezi Oktoba na kukonga mioyo ya wapenzi wa filamu. Akizungumza katika safu hii, Mkurugenzi wa DJ Marketing & Promotion ambao ndio wasambazaji wa kazi hiyo, Haulle Daniel amesema kazi hiyo imekamilika hivyo wapenzi wa tasnia ya filamu wakae mkao wa kula.
Akifafanua zaidi alisema filamu hiyo imewashirikisha wasanii wengi kama vile Shamsa Frod, Jack Pentzel, Elias Mkali, Shaban Dicosta na wasanii wengine wanaotamba katika anga za filamu nchini hivyo itakuwa na mvuto wa kutosha.
Filamu hiyo ya mapenzi ambayo kuna mambo mbalimbali ya kuelimisha jamii ya Kitanzania; ambapo DASMILA aliyeuawa kipindi cha nyuma kidogo, arudi tena kama mzimu, na mengi yanatokea. Fuatilia.. Familia, vichekesho na vimbwanga, mapenzi, kukosa uaminifu, visa na mikasa kibao
Mambo kibao ya mvuto yatapatikana katika filamu hiyo ambayo imetengenezwa kwa ubora wa ali ya juu na itakayokuwa ikisambazwa na kampuni ya kizalendo ya DJ Marketing ya jijini Dar es salaam.