Dortmund wana mchezo mgumu ugenini dhidi ya Mainz kesho Jumapili wakati ambapo kocha Thomas Tuchel anarejea katika klabu yake ya zamani. Nnao Mainz waliimarisha matumaini ya BVB katika kinyanng’anyiro cha taji kwa kuwabwaga Bayern mbili moja hivi karibuni na vijana hao wa kocha Martin Schmidt pia waliwabwaga Schalke na Bayer Leverkusen katika wiki za karibuni.
Mshambuliaji wa BVB Pierre-Emerick Aubameyang anarejea katika vita vyake na Lewandowski kuwa mfungaji wa magoli mengi katika ligi ambapo mshambuliaji huyo wa Gabon ana mabao 22, moja nyuma ya nyota huyo wa Bayern raia wa Poland
Wolfsburg watapambana na Hoffenheim wakati wachezaji wake Julian Draxler na Andre Schuerrle wakiwa katika hali bora kabisa. Washika mkia Hannover watawaalika Cologne leo huku timu zote zikikabiliwa na kitisho cha kushushwa ngazi