MAHAKAMA ya Hakimu Mkazi Kisutu ya jijini Dar es Salaam, imefungua dhamana ya Mkurugenzi wa Kitengo cha Ulinzi na Usalama cha Chama cha Demokrasia na Maendeleo (CHADEMA), Wilfred Rwakatare pamoja na mstakiwa mwenzake, Ludovick Josepha Rweikiza.
Miongoni mwa masharti ya dhamana yaliyowekwa na mahakama ni pamoja na washtakiwa wote kuwa na wadhamini wawili ambao watasaini bondi ya sh milioni 10 kila mmoja na washtakiwa wenyewe kujidhamini. Masharti mengine ya dhamana hiyo ni pamoja na washtakiwa kukabidhi mahakamani hati za kusafiria na kutosafiri nje ya Dar es Salaam bila taarifa.
Kwa uamuzi huo wa mahakama uliotolewa mapema leo, sasa dhamana ipo wazi na kinachosubiriwa ni washtakiwa kutimiza masharti ya dhamana kabla ya kuachiliwa. Rwakatare na mstakiwa mwenzake, Rweikiza wanashtakiwa kwa makosa kadhaa yakiwemo ya kupanga njama za kumteka Mhariri Mtendaji wa gazeti la Mwananchi, Denis Msaky, kwa nia ya kumdhuru hali kadhalika kupanga mikakati ya kutenda vitendo vya kigaidi.
Habari zaidi ni hapo baadaye kujua kama watafanikiwa kutimiza masharti na kuachiwa…