Klabu ya PSG imezima ndoto za Chelsea kusonga mbele kwenye michuano ya mabingwa Ulaya kwa mara nyingine baada ya Zlatan Ibrahimovich kuifungia bao la ushindi timu yake kwenye uwanja wa Stamford Bridge.
Klabu ya PSG ndio walianza kupata bao la kuongoza lililofungwa na Adrien Rabiot aliyeunganisha vyema krosi ya Ibrahimovic dakika ya 16 kipindi cha kwanza.
Mshambuliaji Diego Costa aliisawazishia Chelea kabla ya kwenda mapumziko lakini Ibrahimovic alifunga goli lililoipa uhakika PSG kutinga hatua ya robo fainali ya Champions League.
PSG ndiyo waliitoa Chelsea kwenye michuano ya Ulaya msimu uliopita kwenye hatua kama hiyo.
