Makamu Mwenyekiti wa CCM Tanzania Bara, Pius Msekwa
TAARIFA ambazo tumezipata zinasema katika Kikao cha Kamati Kuu ya Chama Cha Mapinduzi (CCM) kilichokuwa kikifanyika leo jijini Dar es Salaam kimekubali Rais wa Tanzania, Jakaya Kikwete ambaye ni Mwenyekiti wa Chama hicho kulivunja Baraza la Mawaziri na kuliunda umpya kutokana na dosari zilizojitokeza hivi karibuni.
Kamati Kuu ya CCM imekutana leo pamoja na mambo mengine ikiwa ni kuangalia shinikizo la bunge kutaka mawaziri waliotajwa kuhusika katika uvujaji wa fedha za umma katika wizara zao wavuliwe madaraka, kwani wameshindwa kusimamia vizuri wizara zao. Takriban mawaziri nane wametajwa zaidi kuhusika katika tuhuma hizo za wizara zao kufuja fedha na maliasili za umma, hali iliyoshinikiza bunge kuitaka Serikali iwawajibishe mawaziri hao.
Mtandao huu utatoa taarifa zaidi baada ya kuzipata zote kiufasaha.