Maandalizi ya ligi kuu ya Ujerumani Bundesliga yamepamba moto, Borussia Dortmund yaelekea barani Asia kwa michezo ya kirafiki dhidi ya Manchester United na Manchester City .
Matayarisho kwa ajili ya msimu wa 2016 2017 katika Bundesliga yameshika kasi, ambapo timu zote zimeingia kambini na zinacheza michezo ya majaribio karibu kila siku.
Mabingwa watetezi Bayern Munich baada ya kupata huduma ya kocha nyota , aliyepachikwa jina la Mr. Champions league, Carlo Anceloti, imeanza mazowezi wiki moja iliyopita, lakini tayari imepata mshituko baada ya mchezaji wake mahiri Arjen Robben kuumia katika mchezo wa majaribio na timu ya daraja la chini ya Lippstadt.