Kiungo hatari wa Bongo Starz, Jacob, akijaribu kuweka mpira chini huku mpinzani wake akijaribu kutibua
Na Muandishi wetu, Los Angeles
Timu ya Soka ya Watanzania waishio Los Angeles, “Bongo Starz” walikutana kwa mara nyingine tena jana siku ya Jumamosi kwa mazoezi ya nguvu kabla ya mpambano wa timu za Afrika kufanyika Septemba 3. Timu ya Tanzania (Bongo Starz) ipo ndani ya kundi C, ambalo linajumuisha timu za Ivory Coast na Ghana. Timu ya Tanzania ni ngeni katika mashindano haya ukilinganisha na wapinzani wake ndani ya kundi, je Bongo Starz itafurukuta?
Katika kuhakikisha imejiandaa vya kutosha, Bongo Starz inacheza mechi ya kirafiki na timu ya Kenya leo Jumapili jioni katika uwanja wa John Ferraro (tutawaletea matokeo). Matokeo ya mechi hii ya kirafiki na watani wetu wa jadi bila shaka yataongeza matumaini au hofu ya upatikanaji wa ushindi hiyo Septemba 3. Baadhi ya timu za Afrika zinazoshiriki mashindano haya ni, Nigeria, Zambia, Morocco, Ghana, Kenya, Togo, Mali, Ethiopia, Cameroon, na wengineo. Kupata maelezo zaidi ya mashindano haya na kufahamu wadhamini wake, tembelea hapa http://www.africansoccerla.com/home/
Kila la kheri Bongo Starz, kwani penye nia, pana njia!!!!!!!!!!
Kwa mapicha zaidi ya mazoezi, ingia ukurasa wetu wa MATUKIO hapa : http://www.thehabari.com/habari-tanzania/bongo-starz-katika-mazoezi
Picha na Abdul Majid