Meneja wa Arsenal Arsene Wenger anaamini vijana wake walicheza vizuri uwanjani Nou Camp licha ya kulazwa 3-1 na Barcelona Ligi ya Klabu Bingwa Ulaya.
Arsenal walilazwa kupitia mabao ya Neymar, Luis Suarez na Messi. Bao lao la kufutia machozi lilifungwa na Mohamed Elneny. Arsenal hawajafika hatua ya robofainali Ligi ya Klabu Bingwa Ulaya tangu 2010.
Arsenal walilazwa 2-0 mechi ya mkondo wa kwanza uwanjani Emirates, mabao yote yakifungwa na Lionel Mess
Arsenal sasa watajaribu kufufua kampeni yao msimu huu kwa mechi ugenini Goodison Park dhidi ya Everton Jumamosi.
Barca, watakaokutana na Villa Real ligini Jumapili, watajua mpinzani wao robofainali Ligi ya Klabu Bingwa Ulaya Ijumaa droo itakapofanywa mjini Nyon, Uswizi.
