Meli Mpya ya Azam Ikiwasili
Meli ya Azam Marine inayoitwa Azam SeaLink 1 ikiwasili katika bandari ya Visawani Zanzibar kwa mara kwanza.
Sehemu ya Parking yenye uwezo wa kuingiza magari 200.
Muonekano wa ndani wa Lounge ya kumpzikia wasafiri.
Muonekano wa nje. (Picha na Omar Said wa Kampuni ya Bakheresa).
Na Mohammed Mhina, wa Jeshi la Polisi Zanzibar
KAMPUNI ya Azam Marine inayomiliki boti ziendazo kasi hapa nchini, imeingiza meli mpya na ya kisasa yenye uwezo wa kubeba zaiidi ya abiria 1500 na magari 200 kwa wakati mmoja.
Akizungumza mjini Zanzibar, Meneja Mkuu wa Kampuni ya Azam Marine, Hussein Mohammed Saidi, alisema kuwa meli hiyo itafanya safari zake kati ya Dar es Salaam, Zanzibar na Pemba huku ikitoza viwango vya nauli nafuu kwa abiria wake.
Amesema meli hiyo ambayo inatarajiwa kuanza safari zake mara baada ya kukamilisha taratibu za mamlaka mbalimbali.
Meli hiyo inayoitwa AZAM SEALINKI ni ya kisasa katika ukanda huu wa Mwambao wa nchi za Kusini na Pembe ya Afrika.
Hussein amesema Meli hiyo ambayo imetengenezwa nchini Ugiriki na inatayarishiwa eneo maalumu litakalotumika kwa kupakia na kushusha abiria na mizigo yakiwemo magari.
Alisema meli hiyo itasafiri kwa muda wa saa tatu kutoka Dar es Salaam na Zanzibar na saa 4 kutoka Zanzibar na Pemba ama saa 7 kutoka dar es Salaam na Pemba. Alisema pamoja na kuwasili kwa Meli hiyo, Kampuni ya Azam pia inatarajia kuleta meli nyingine ya abiiria inayojulikana kama Kilimanjaro namba nne.
Kwa upande wao, baadhi ya wananchi wa Visiwa vya zanzibar wamepongeza ujio wa meli hiyo lakini wakaitaka serikali kuendelea kudhibiti uingizwaji wa meli chakavu na kukuu ili kuepuka uwezekano wa kutokea ajali za mara kwa mara.
Bwana Rajabu Khamisi mkazi wa Pemba na Bi. Rehema Omari wa mjini Zanzibar, wamesema kuna haja ya Serikali kusimamia ukomo wa nauli ili kila mwananchi aweze kusafiri kutoka sehemu moja na nyingine kwani wamesema vipato havilingani.