WATU takriban 30 wamekufa katika shambulio kwenye mji mmoja Kaskazini Mashariki mwa Nigeria. Taarifa zinasema, Siasa Walioshuhudia tukio hilo Damaturu, Mji Mkuu wa Jimbo la Yobe, wanasema mabomu kadhaa yaliripuka jana usiku na magari kadha yaliteketea.
Hapo jana pia mashambulio yalifanywa na watu waliojitolea mhanga katika Mji wa Maiduguri, shina la kikundi cha Waislamu wenye msimamo mkali la Boko Haram. Wakaazi wa Damaturu wanasema mji huo ulishambuliwa Ijumaa magharibi.
Baina ya saa kumi na mbili unusu na saa mbili mabomu yaliripuliwa katika maeneo kadha pamoja na makao makuu ya polisi katika jimbo hilo. Risasi zilisikika hadi usiku wa manane na inaarifiwa kuwa watu wanaukimbia mji huo.
Kamishna wa Polisi wa Jimbo la Yobe alisema mji huo umeshtushwa na mashambulio hayo, na bado anajaribu kuchunguza watu wangapi wamekufa au kuumia. Ripoti kutoka hospitali zinaonesha kuwa watu kama 30, au pengine hadi 60, wameuwa na wengine kadha kujeruhiwa.