Mchezaji wa timu ya Yanga, Haroub Canavaro akijaribu kumzuia mshanbuliaji wa Simba, Felix Sunzu katika mchezo wa Ligi Kuu ya Vodacom, uliofanyika jana jioni kwenye uwanja wa Taifa jijini Dar es salaam.
MCHEZAJI, Davis Mwape wa timu ya Yanga ya Dar es Salaam jana alikuwa mwiba kwa mashabiki na klabu ya Simba baada ya kufanikiwa kuifungia timu yake bao la pekee lililoipa ushindi timu hiyo.
Yanga imefanikiwa kunyakuwa pointi zote tatu katika mchezo wa jana baada ya kushinda 1-0 dhidi ya watani wao wa jadi Simba. Bao hilo lililofungwa kipindi cha pili liliamsha nderemo za mashabiki wa Yanga licha ya kuonekana wachache ukilinganisha na wa Simba waliohudhuria pambano hilo.