Muamar Gadafi
BARAZA la Mpito la Libya limearifu kuwa Muammar Gaddafi atazikwa jangwani leo katika sehemu ya siri. Mwakilishi mmoja wa Baraza hilo ambae hakutaka kutajwa ameleeza hayo na kuongeza kuwa Gaddafi atazikwa pamoja na mwanawe Mutassim.
Habari zaidi zinasema kwamba ilishindikana kufikia makubaliano juu ya kuukabidhi mwili wa Gaddafi kwa watu wa kabila lake. Hapo awali Baraza la Mpito lilihakikisha juu ya kuchunguza mazingira yaliyosababisha kifo cha Gaddafi.
Mpaka sasa haijakuwa wazi iwapo Gaddafi alikufa katika mapambano au aliuliwa. Wakati huo huo Shirika la kutetea haki za binadamu Human Rights Watch limearifu juu ya kinachodaiwa kuwa mauaji halaiki ya watu waliokuwa wanamuunga mkono Gaddafi.
Maiti za watu 53 zimekutwa katika mji wa Sirte -uliokuwa ngome kuu ya Gaddafi. Inatuhumiwa watu hao waliuawa .
-DW