Mbunge Viti Maalum (Chadema), Dk. Elly Macha.
MBUNGE wa Viti Maalum (Chadema), Dk. Elly Macha amefariki dunia akiwa Uingereza alipokuwa akitibiwa. Kwa mujibu wa taarifa iliyotolewa na Bunge la Jamhuri ya Muungano wa Tanzania kupitia Kitengo cha Habari, Elimu na Mawasiliano imesema marehemu Macha alikuwa akitibiwa katika Hospitali ya New Cross, Walverhampton nchini Uingereza. Taarifa imesema taratibu za kuusafirisha mwili wa marehemu kuja nchini zinafanywa kwa kushirikiana na familia ya marehemu.
Kufuatia kifo hicho Spika wa Bunge, Job Ndugai amehairisha vikao vya kamati za bunge vilivyokuwa vikiendelea Jumamosi ya Aprili Mosi.