Mbunge mteule wa Jimbo la Igunga kupitia CCM, Dk. Peter Kafumu
Kwa mujibu wa taarifa kutoka Jimboni Igunga matokeo ya Uchaguzi mdogo wa Igunga yametangazwa na Chama Cha Mapinduzi (CCM) kimeibuka na ushindi kupitia kwa mgombea wake Dk. Peter Kafumu.
Taarifa ambazo mtandao huu umezipata CCM imelitwaa jimbo hilo baada ya kupata kura 26,484, mgombea wa Chama cha Demokrasia na Maendeleo (CHADEMA), Joseph Kashindye amepata kura 23,260 huku CUF ikiambulia kura 2104. Kwa mujibu wa msimamizi wa uchaguzi jumla ya kura 53,672 zimepigwa na kura 1,185 zimeharibika.
Matokeo kwa vyama vingine AFP imepata kura 235, CHAUSTA 182, DP 76. Hata hivyo tayari CHADEMA wamepinga matokeo hayo huku wakitaja sababu mbalimbali ambazo zimechangia hujuma za wao kushindwa. Taarifa zaidi tutawajuza kadri tunavyopata taarifa.