Klabu ya Simba imeambulia kichapo cha bao 1-0 na Mwadui FC jioni ya leo Uwanja wa Taifa, Dar es Salaam katika mchezo wa Ligi Kuu. Na kuifanya Yanga kuwa bingwa mpya wa Ligi Kuu ya Vodacom Tanzania Bara msimu wa 2015/2016
Matokeo hayo yanamaanisha hakuna timu yoyote ya Ligi Kuu yenye uwezo wa kufikisha pointi 68 ambazo wanazo Yanga ingawa yanga wana mechi tatu za kumalizia dhidi ya Mbeya City, Ndanda FC na Majimaji, zote ugenini.
Simba SC ina pointi 58 baada ya kucheza mechi 27 na inaweza kufikisha pointi 67 ikishinda mechi zake zote tatu zilizobaki, wakati Azam FC inaweza kumaliza na pointi 66.
Bao pekee la Mwadui lilifungwa na Jamal Simba Mnyate dakika ya 73 aliyemalizia pasi ya mshambuliaji Kevin Sabato baada ya mpira mrefu uliopigwa na kipa Jackson Abdulrahman.