Jurgen Klopp amefanikiwa kuifikisha Liverpool katika hatua ya fainali ya ligi ya EUROPA baada ya kuibuka na ushindi wa mabao 3-0 dhidi ya Villarreal.
Wakiwa nyuma kwa bao moja katika mchezo wa kwanza,Liverpool walisawazisha matokeo baada ya Bruno Soriano kujifunga. Daniel Sturridge aliongeza bao la pili baadae na kuanza kuidididmiza timu hiyo kutoka Uhispania baada ya kupokea pasi safi kutoka kwa Roberto Firmino.
Baada ya mchezaji wa Villareal Victor Ruiz kutolewa kwa kadi nyekundu,Adam Lallana alipigilia msumari wa mwisho na kuwa 3-0. Klopp ambaye amechukua timu hiyo kutoka kwa Brendan Rodgers mwezi Oktoba mwaka jana ameshaifikisha Liverpool katika fainali mbili huku ya kwanza ikiwa katika kombe la ligi ambapo walipoteza dhidi ya Manchester City.
Kwa matokeo hayo watakutana katika fainali na mabingwa watetezi Sevilla mjini Basel Mei 18 baada ya kuwacharaza Shakhtar Donetsk 5-3 na kuwa na ushindi wa jumla wa mabao 5.
