Meneja wa Arsenal Arsene Wenger amesema alitarajia mashabiki zaidi waonyeshe kutoridhishwa naye wakati wa mechi ya Jumamosi dhidi ya Norwich. Arsenal walishinda 1-0.
Wenger atatimiza 20 kwenye usukani Arsenal Oktoba mwaka huu lakini mara yake ya mwisho kushinda ligi ilikuwa 2004 na baadhi ya mashabiki waliinua mabako ya kusema “wakati wa mabadiliko umefika” uwanjani Emirates.
Ushindi wa Jumamosi uliwawezesha Arsenal kuwapita Manchester City, ambao watakuwa wenyeji wa The Gunners uwanjani Etihad Jumamosi, na kutua nafasi ya tatu kwenye msimamo wa Ligi ya kuu ya Uingereza.
Arsenal wanahitaji alama mbili kutoka kwa mechi zao zilizosalia kujihakikishia nafari katika Ligi ya Klabu Bingwa Ulaya msimu ujao, kwa mara ya 18 mtawalia.
Wakati wa mechi hiyo ya Norwich, baadhi ya mashabiki walinyanyua mabango dakika za 12 na 78 za mechi, kuachilia miaka 12 tangu Arsenal walipotawazwa mabingwa ligi mara ya mwisho.Lakini kunao wengine walioeleza uungaji mkono wao kwa Wenger.