Bei maalumu kwa Maadhimisho ya miaka 50 ya Uhuru wa Tanzania

Ndugu mteja wa TBC;

MAADHIMISHO YA MIAKA 50 YA UHURU WA TANGANYIKA

Tunaposherehekea miaka 50 ya uhuru wa Tanganyika , kila mtanzania kwa namna moja au nyingine angependa kusheherekea kwa kuonyesha ni wapi tumetoka, tulipo na ni wapi tunaelekea. Taasisi za Serikali, Wizara, Mashirika na Makampuni zina fursa ya kusherehekea Sikukuu hii kwa kujitangaza na kuonyesha shughuli zao pamoja na mafanikio waliopata katika kipindi hiki cha miaka 50 ya Uhuru.

Katika kuhakikisha wewe kama mdau muhimu unajitangaza, Shirika la Utangazaji Tanzania (TBC) kama chombo cha utangazaji tutakuwa mbele kufanikisha shughuli za kumbukumbu hii kwa kiwango cha hali ya juu. TBC inakuletea fursa ya vipindi vya miaka 50 ya Uhuru ambapo Taasisi au Kampuni yako inaweza kushirikiana nasi kwa vipindi na kwa kurusha matangazo yake kupitia vyombo vyetu vya Redio na Televisheni .

TBC katika kufanikisha maonesho haya tumeweka bei zenye punguzo maalum ili kufanikisha kila wizara,taasisi,kampuni,shirika,Ngos n.k kurusha vipindi vya walau dakika 15 , 30,45 au 60 na matangazo ili kutoa fursa kwa jamii kujua namna wanavyoweza kukutumia katika mkakati wa kujiletea maendeleo.Gharama hizo ni kama zinavyoonekana kwenye nakala ya barua iliyoambatanishwa

Kwa pamoja tutafanikisha mkakati huu wa kuyapa kipaumbele maonesho na maadhimisho haya na kuwezesha jamii kufahamu namna wanavyoweza kuitumia ofisi yako. Pia unaweza kushauri vinginevyo ili tufanikishe maonesho haya kwa pamoja.

NB

Tunakukaribisha wewe, kampuni, taasisi, shirika, wizara, NGOS na kila mmoja kushiriki. Unaweza kuwasiliana nasi kupitia anwani hapo chini au kutujulisha siku tunayoweza kuja ili tushauriane kufanikisha maadhimisho hayo.

Ahsante

Emmanuel Minja
Senior Marketing Officer
Tanzania Broadcasting Corporation
TBC Marketing Department-Zanaki.
P.O.Box 9191, Dsm, Tanzania.